សូមស្វាគមន៍! ក្នុងនាមខ្ញុំតំណាងឲ្យ សាស្ត្រាចារ្យ បុគ្គលិក និងនិស្សិត មហាវិទ្យាល័យវិទ្យាសាស្ត្រនិងបច្ចេកវិទ្យានៃសាកលវិទ្យាល័យជាតិមានជ័យ មានសេចក្ដីរីករាយបង្ហាញពីសារៈសំខាន់នៃបច្ចេកវិទ្យាព័ត៌មានវិទ្យា ដែលមានជំនាញអភិវឌ្ឍន៏កម្មវិធីកុំព្យូទ័រនិងទូរស័ព្ទដៃ និងការគ្រប់គ្រងបណ្តាញកុំព្យូទ័រ ដែលមានតម្រូវនៅលើពិភពលោកទៅតាមការកើនឡើងនៃវិទ្យាសាស្ត្របច្ចេកវិទ្យាក្នុងបដិវត្តន៍ឧស្សាហកម្ម៤.០ ដែលកំពុងមានសក្ដានុពលយ៉ាងខ្លាំងក្លានៅលើនាពេលបច្ចុប្បន្ននេះ។
មហាវិទ្យាល័យបានអភិវឌ្ឍន៍កម្មវិធីសិក្សាថ្នាក់បរិញ្ញាបត្ររង និងបរិញ្ញាបត្រ លើជំនាញព័ត៌មានវិទ្យា សម្រាប់សិស្ស-និស្សិត សម្រាប់អាជីពការងារដែលមាននៅក្នុងមុខវិជ្ជារបស់យើងដោយផ្តោតទៅលើគុណតម្លៃដល់ការច្នៃប្រឌិតនិងការសិក្សាស្រាវជ្រាវបន្ថែមលើការសិក្សាទ្រឹស្តី ។ លក្ខណៈពិសេសនៃកម្មវិធីមហាវិទ្យាល័យសម្រាប់និស្សិតសិក្សាថ្នាក់បរិញ្ញាបត្ររង និងបរិញ្ញាបត្រ ដើម្បីចូលរួមជាមួយការអប់រំវិជ្ជាជីវៈជាក់ស្តែងសម្រាប់បានវិជ្ជាជីវៈមួយក្នុងវិស័យព័ត៌មានវិទ្យា។
គ្រប់វិស័យការងារទាំងអស់មានតម្រូវការប្រើបច្ចេកវិទ្យាកុំព្យូទ័រនិងប្រព័ន្ធទូរស័ព្ទជាការចាំបាច់ ហេតុនេះបានវិស័យ បច្ចេកវិទ្យាព័ត៌មានវិទ្យា បានទទួលភាពជោគជ័យសម្រាប់ការប្រកួតប្រជែងដ៏ចាំបាច់មួយសម្រាប់មនុស្ស។ មហាវិទ្យាល័យយើង បានយល់ច្បាស់ពីតម្រូវការ ហើយបាននិងកំពុងធ្វើនិងបន្តរៀបចំកម្មវិធីសម្រាប់អភិវឌ្ឍន៍ពុទ្ធិ និង ជំនាញថ្មីដល់និស្សិតរបស់យើងឆ្លើយតបទៅនឹងតម្រូវការទីផ្សារការងារ។ តាមរយៈនេះយើងបានរួមចំណែកចែករំលែកធនធានដែលបានបណ្តុះបណ្តាលដើម្បីអភិវឌ្ឍប្រទេស តាមរយៈការបណ្ដុះបណ្ដាលប្រកបដោយគុណភាពខ្ពស់ ដើម្បីស្វែងរក ដំណោះស្រាយនិងបង្កើតស្នាដៃថ្មីសម្រាប់តម្រូវការរបស់សង្គមយើង។
ជាទីបញ្ចប់ យើងទាំងអស់គ្នាសូមថ្លែងអំណរគុណយ៉ាងកក់ក្ដៅចំពោះចំណាប់អារម្មណ៍របស់លោកអ្នកមកលើ មហាវិទ្យាល័យវិទ្យាសាស្ត្រនិងបច្ចេកវិទ្យារបស់យើង នឹងមកកទស្សនាបរិវេណសាកលវិទ្យាល័យ និងកន្លែងសិក្សានានា ដើម្បីស្វែងយល់អំពីឱកាសការសិក្សានៅក្នុងមហាវិទ្យាល័យវិទ្យាសាស្ត្រ និងបច្ចេកវិទ្យា។
អរគុណ!